Vincent van Gogh

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Vincent van Gogh
Vincent van Gogh (Autorretrato, 1887-1888).
Información personal
Calendata de naixencia	30 de marzo de 1853
Puesto de naixencia	Zundert (Países Baixos)
Calendata de muerte	29 de chulio de 1890
Puesto de muerte	Auvers-sur-Oise (Val de l'Oise, Francia)
Enterreco	Cimenterio d'Auvers-sur-Oise
Alma Máter	Academia Reyal de Bellas Artes de Bruselas Reyal Academia de Bellas Artes d'Anvers
Ocupación	Pintor y dibuixant
Conchuche	Sien Hoornik Margot Begemann
Sinyal

Vincent van Gogh (en neerlandés [vɪnˈsɛnt vɑn'xɔx]), naixito de Zundert (Países Baixos) o 30 de marzo de 1853 y muerto en Auvers-sur-Oise (Val de l'Oise, Francia) o 29 de chulio de 1890, estió un pintor y dibuixant neerlandés, representant d'o impresionismo, considerato uno d'os prencipals artistas pictoricos de finals d'o sieglo XIX, precursor d'o fauvismo, o expresionismo y mesmo d'o cubismo.

Ye autor d'alto u baixo de 900 cuadros, entre els que bi ha 27 autoretratos y d'alto u baixo de 1.600 dibuixos. Amás de 800 cartas, 650 d'ellas dirichitas ta o suyo chimán, Theo van Gogh, que estió qui li dió soporte financiero mientres a suya vita.

A pesar d'a cualidat d'a suya obra, no fue dica a suya muerte que estió reconoixita y considerato una gran figura d'a pintura mundial, y en o siglo XX a suya obra estió muit influyent ta muchos pintors y ta l'evolución d'a pintura y creyación de nuevos estils pictoricos.